Parkinson gaixotasuna mugimenduari eragiten dion nerbio-sistemaren gaixotasuna da. Neurologian aurrerapen nabarmenak egon arren, Parkinson gaixotasunaren zergatia ezezaguna da gaur egun, eta, beraz, nola prebenitu daitekeen ere ez da ezagutzen.
IIS Biocruces Bizkaiako Iñigo Gabilondo eta Jesús Cortés ikerbasque ikertzaileek Parkinson gaixotasunean bihotzaren eta garunaren arteko sinkronizazioan alterazioak daudela frogatzen duten ikerketa bat zuzendu dute, eta fenomeno hori kuantifikatzeko aukera ematen duen neuroirudiko biomarkatzaile berri bat proposatu dute, nahaste autonomiko larriak dituzten pazienteak identifikatu ditzakeena.
IIS Biocruces Bizkaia-ko diziplina anitzeko lana da, Gaixotasun Neurodegeneratiboen eta Neuroirudi Konputazionalaren taldeen arteko lankidetzan oinarrituta, eta Nature NPJ Parkinson's Disease taldearen aldizkari ospetsuan argitaratu da "Heart-brain synchronization breakdown in Parkinson's disease" izenburupean. Artikuluak Juan Carlos Gomez-Esteban doktoreak zuzendutako Gaixotasun Neurodegeneratiboen taldeak hamarkada bat baino gehiago daraman Parkinson gaixoen kohorte bat aztertzen du, disautonomiaren arloan nazioartean oso ezaguna dena. Pazienteen kohorte honen jarraipena hainbat proiekturen bidez finantzatu da, Michael J. Fox Fundazioaren nazioarteko finantzaketa nabarmenduz.
Ikerketa egiteko, ikertzaileek 31 Parkinson gaixotasunaren gaixo eta adinaren araberako 21 kontrol aztertu zituzten, aldi berean, garunaren jarduera fMRIrekin neurtuz eta bihotz-taupadaren aldakortasuna pultsu-oximetriaren bidez. Emaitzak aztetu zituztenean, Parkinson gaixoek bihotz-garunaren sinkronizazio gutxiago zutela ikusi zuten, batez ere funtzio autonomikoen kontrolan parte hartzen duten garuneko eskualdeetan. Aurkikuntza horren ondorioz, ikertzaileek indize berri bat sortu dute bihotz-garunaren sinkronizazio-maila neurtzeko, "Heart-Brain Synchronization Index" izenekoa, zeinak agerpen disautonomiko larriak dituzten pazienteak ez dituztenengandik bereiztea ahalbidetzen duena.
Bihotz-taupadaren aldakortasuna giza gorputzeko jarduera autonomoaren edo nerbio-sistema autonomoaren marka da, eta bere alterazioak gaixotasun ezberdinetan pronostiko okerragoa izan den adierazlea da. Parkinsonaren agerpen autonomikoak, horien artean bihotz-maiztasunaren kontrolaren alterazioak, gaixotasunaren progresioarekin eta biziraupen laburragoarekin erlazionatu dira Horregatik markatzaile pronostikotzat hartzen dira eta gaixotasunaren hasierako faseetan daude. Parkinson gaixotasunaren balizko biomarkatzailetzat hartzen diren arren, Parkinson gaixotasunean bihotz-funtzioaren kontrolean alterazio horiek sortzen dituzten mekanismoak ez dira ondo ulertzen. Parkinsonaren bihotz-aldakortasunaren aldaketekin lotutako garuneko irudi biomarkatzaile baten identifikazioak garrantzi erabakigarria du, ez bakarrik gaixotasunean parte hartzen duten mekanismoak argitzen lagun dezakeelako, baizik eta, batez ere, Parkinson eta erlazionatutako beste gaixotasun neurodegeneratibo batzuen diagnostiko eta sailkapen goiztiarreko tresna bat delako.
Informazio gehiago izateko: https://www.nature.com/articles/s41531-022-00323-w
.png)
