CIC bioGUNEko -BRTA Basque Research & Technology Alliance-ko kidea- Biologia Konputazionaleko Laborategiak egindako ikerketak eta Luxembourg Centre for Systems Biomedicine (LCSB), infekzio batean inflamazioa mantentzen eta garatzen dituzten molekulak identifikatzeko metodo berri bat deskribatu dute. Lan hau Science Advances aldizkari ospetsuan argitaratu da. Ikerlari taldeak bere metodo berria erabili dute COVID-19 gaixo larrienetan molekula hauek aurkitzeko eta diana terapeutikoak aurkitzeko.
Birus batek kutsatuta dagoenean, gizakiaren sistema immunologikoa sarritan aktibatzen da intrusaren aurka borrokatzeko. Erantzun immunologikoa zitokina izeneko proteinen bidez elkarren artean komunikatzen diren hainbat zelula mota inplikatzen dituzten prozesu konplexu batzuen bidez sortzen da. Sistema immunologikoaren zeregin nagusietariko bat kutsatu diren zelulak identifikatzea eta hauek ezabatzea da.
"Normalean, sistema immunologikoa oso kontrolatuta dago eta ehunen kalteak gehienera murriztea lortzen du", azaldu du Antonio del Sol Ikerbasqueko ikertzaileak eta CIC bioGUNEko Biologia Konputazionaleko Laborategiko taldeko buruak. "Hala ere, faktore patogenoak erraz ezabatu ezin diren egoeretan, badakigu egoera hiperinflamatorio bat sor daitekeela, erantzun immunologikoa begizta positiboen bitartez mantenduz edota indartuz. Hiperinflamazio egoera horrek larritasuna handitzen du, eta sintomak heriotza ere ekar ditzake. Gaur egungo erronka hantura arintzea da gaixoaren SARS-CoV-2 ezabatzeko gaitasuna murriztu gabe" gehitu du.
Arazo hau konpontzeko, ikertzaileek erantzun immunologikoaren modulatzaileak identifikatzea ahalbidetzen duen metodo berria garatu dute. Hantura handitzen duten molekulak identifikatu ondoren, haien jarduera maila seguruetara murriztu ditzakete. Zelula-zelula arteko 1.700 interazio baino gehiago aztertuz, sintoma arinak eta larriak dituzten Covid-19 gaixoen biriketako erantzun immunologikoaren mapa zabala sortu du ikerketa taldeak. Ikuspegi honen berezitasuna zelula indibidualen informazio genomikoa mapak sortzeko erabili zela da, sistema immunologikoko zelula mota desberdinak irudikatu direlarik.
"Gure eredua Covid-19ren testuinguruan erabiltzea erabaki genuen, gaixo larriak hiperinflamazioa izaten baitute, eta horrek beraien bizitza arriskuan jartzen baitu", dio Sascha Jungek, ikerketaren lehen egileak. "Begizta positiboek inflamazioa eragiten dutela aurkitu dugu, zelula immunologikoak ere partzialki kaltetzen dituztelako eta horrela hanturazko erantzuna areagotuz", dio.
Antonio Del Sol irakasleak eta bere taldeak beraiek garatutako eredua erabili zuten sistema immunologikoaren hanturazko erantzuna modulatzeko gai izan daitezkeen molekula horiek identifikatzeko. Del Sol-ek honela laburbiltzen ditu ikuspegi honen emaitzak: "Begizta positiboan parte hartzen duten geneak konputazionalki etenez ondorioztatu genuen Versican proteinak eta Toll-2 moduko hartzaileak rol garrantzitsua betetzen dutela. Gure ereduaren arabera, bi molekula hauen atzeraelikadurak % 75 arte alda dezakete begizta positiboa erantzun immunologiko orokorra oztopatu gabe ".
Versican proteina zelulaz kanpoko matrizean dago eta zelulen arteko komunikazio prozesu desberdinetan parte hartzen du. Bere aldetik, Toll-2 motako hartzailea zelulen gainazalean dago, eta bertan molekula patogenoak antzematen ditu. Bi proteinek gizakien erantzun immunologikoan zeresana dutela jakin da.
Ikerketa honen emaitzek dagoeneko immunologoen arreta piztu dute "Cytokines" konferentzian, zitokinen biologiarekin lotutako oinarrizko ikerketa translazional eta klinikoan garrantzitsuena, non Del Sol taldearen lana aurkeztu da. Aurkikuntza berri horien arabera, aurreikusitako proteinak Covid-19 tratatzeko diana terapeutiko posibleak dira, eta Washingtoneko Unibertsitateko (AEB) immunologoek animalia ereduetan ebaluatzen ari dira jada.
Artikulua hurrengo estekan aurkitu dezakezu: https://advances.sciencemag.org/content/7/6/eabe5735/tab-article-info
.png)
