1. motako Distrofia Miotonikoa (DM1) gaixotasun kroniko hereditarioa da, agerpen muskular eta kanpo-muskularrak dituena, eta bere intzidentziagatik gaixotasun arraroen taldean sartzen dena. Gaur egun ez dago horren aurkako tratamendu eraginkorrik.
Ander Matheu doktoreak, IIS Biodonostiako Onkologia Zelularreko Taldeko buruak eta IKERBASQUEko ikertzaileak, eta Adolfo López de Munainek, Donostia Unibertsitate Ospitaleko Neurologia Zerbitzuko buruak, 1. motako Distrofia Miotonikoa duten pazienteen zelulek zahartze goiztiar eta areagotu baten metaketa aurkezten dutela identifikatu dute, zahartze fisiologikoari oso lotuta dagoen fenomenoa. Horrek iradokitzen du DM1 zelulek eta, hedaduraz, pazienteek beraiek, zahartze prozesu bizkortua jasaten dutela kaltetu gabeko populazioaren aldean.
Ideia horrek ikertzaileek konposatu senolitikoek (zelula zaharkituak selektiboki ezabatzen dituzten agenteek) DM1 gaixoen zeluletan ikusitako zahartze goiztiar fenomeno horiek iraul ditzaketen ala ez aztertzera eraman zituen. Emaitzek itxaropenak berretsi dituzte eta justifikazio esperimental sendoa ematen dute paziente hauen erabilera segururako baldintzak ezartzen dituen saio kliniko multizentro bat proposatzeko konposatu hauekin.
JCI Insight aldizkarian argitaratutako "Senescence plays a role in Myotonic Dystrophy type 1" izeneko lana, Biodonostia Osasun Ikerketa Institutuko Onkologia eta Neurozientzia arloen arteko 5 urte baino gehiagoko lankidetza lanaren emaitza da eta Eusko Jaurlaritzako Hezkuntza eta Osasun Sailen, Carlos III Osasun Institutuaren eta CIBERned eta CIBERfes sareen finantzaketa izan du, hurrenez hurren.
.png)
